Хочаце, каб ваша цацка ўпрыгожыла навагоднюю ёлку ў Вялікім тэатры Беларусі?

А можа, ёсць жаданне трапіць на спектакль “Чароўная музыка” і пазнаёміцца з галоўным Дзедам Марозам краіны?

Тады ўдзельнічайце ў конкурсе

“НАВАГОДНЯЯ ЦАЦКА”

Конкурс “Навагодняя цацка” праходзіць у межах праекта “Вялікі тэатр – дзецям”. Арганізатары конкурсу – Нацыянальны Акадэмічны Вялікі Тэатр оперы і балета і рэдакцыя часопісаў для дзяцей “Вясёлка” і “Буся”. У журы – вядомыя беларускія мастакі, дызайнеры, мадэльеры. Яны і вызначаць пераможцаў. Аднак памятайце, што ваша цацка таксама павінна быць тэатральнай, а значыць, мець дачыненне да жыцця тэатра, артыстаў, музыкантаў, танцавальных і музычных нумароў, спектакляў і г.д.  Фантазіруйце, стварайце, малюйце! Цацкі прымаюцца да 18 снежня.

Пераможца атрымае незвычайны падарунак – фотасесію ў Нацыянальным Акадэмічным Вялікім Тэатры оперы і балета, пазнаёміцца з яго таямніцамі, куды звычайны наведвальнік так проста не завітае. Узнагародамі за 2, 3 і 4 месца стануць запрашэнні на 2 асобы на спектакль.

Усе ўдзельнікі праекта, якія набудуць білеты на спектакль “Чароўная музыка” на 28 снежня (пачатак у 11.15), гарантавана атрымаюць сувеніры. Білеты заказвайце па тэлефонах 8017 334 80 74 ці 8029 617 62 02 (Ніла Сцяпанаўна).

Іншагароднія ўдзельнікі могуць даслаць свае цацкі на адрас рэдакцыі часопіса “Вясёлка”: 220073, г.Мінск, вул.Кальварыйская, д.25, рэдакцыя часопіса “Вясёлка”. Вас чакаюць сувеніры і дыпломы.

А мы чакаем вашы тэатральныя навагоднія цацкі!