Родная вёска
Пятница, 22.07.2011 11:38. Рубрика: Конкурсы
Родная вёска
У кожнага чалавека ёсць куток, самы дарагі на зямлі. Для мяне гэта вёска Бабынічы. Яна ўтульна размясцілася паміж азёр Несета і Бабына. Некаторыя дамы стаяць на ўзгорку і нібы назіраюць за тым, што адбываецца ў нізіне. Асабліва прыгожая вёска цяпер, летам, у зеляніне дрэў. У ціхае надвор’е здаецца, быццам усё наваколле глядзіцца ў люстэркі азёр. А яшчэ ўражвае тое, што купалы царквы, пабудаванай на беразе возера, бачны з любога куточка вёскі. Здаецца, ты трапіў у чароўную казку.
Інга Зайцава.
Полацкі раён,
в. Бабынічы.
мрапр