У яго пагляджуся,
Прычашуся, павярнуся.
Выглядаю ў ім я, пэўна,
Нават лепей, чым царэўна.

(Люстэрка)

Рэкі ўзімку закуе…
Адгадайце, што такое?
Ён вясною растае
І становіцца вадою.

(Лёд)

Што за звер, які жыве
У лясах у нашых:
Дрэвы два на галаве
Носіць вельмі важна.

(Алень)

Што за дом
З адным акном,
У якім
Жывуць шпакі?

(Шпакоўня)

Акунь, пячкур, судак,
Карась, сазан, шчупак…
Можа, хто сказаць гатовы,
Як назваць адным іх словам?

(Рыбы)

Анатоль ЗЭКАЎ