Сняжынка

Закружылася сняжынка,
Нібы белая пушынка.
Ціха ўніз яна зляцела,
Матыльком на снег прысела.

Алеся Палаўко
г. Мінск, гімназія № 4

Зімой

Цудоўна зімой на двары!
Ніхто не сумуе адзін.
Чырванагрудыя снегіры
Сядзяць на галінках рабін.
На сонцы ружовіцца снег.
Мароз ад зары да зары.
Лунае над хатамі смех.
Цудоўна зімой на двары!

Каця Шымановіч.
Дзяржынскі раён, Чэрнікаўшчынская СШ

На лыжах

Мы каталіся на лыжах,
Хто далёка ўжо, хто бліжай.
А мая сяброўка ўпала,
Паднялася і сказала:
– Хоць катацца не магу,
З фізкультуры не збягу.
Каб на лыжах пакатацца,
Трэба шмат трэніравацца.

Арына Пятруніна
Мінскі раён, Чурылавіцкая СШ