Мой край
Пятница, 7.11.2014 07:20. Рубрика: Вершы
Ад ветру гнуцца вербалозы,
Бяжыць дарога напрасткі.
Мой край – бялюткія бярозы
Абапал сіняе ракі.
Мой край – лугі і пералескі,
Крыніцы звон і шум лясны,
Мой край – блакітныя пралескі
На сцежках ранняе вясны.
Высока ў небе вырай кружыць,
Ляціць за сіні небакрай.
Не забывай ніколі, дружа,
Сваю зямлю, свой родны край.
Вера ВЯРБА
Вера ВЯРБА (14.01.1942 – 15.07.2012) – беларуская пісьменніца. Сапраўднае імя – Гертруда Пятроўна Сакалова. Для дзяцей напісала кнігу “Пралеска”.