17 красавіка ў Нацыянальнай бібліятэцы адбылося святочнае мерапрыемства, прысвечанае 55-годдзю дзіцячага часопіса “Вясёлка”. Так супала, што юбілей дзіцячага часопіса супаў са святкаваннем Года кнігі.
Задоўга да пачатку мерапрыемства ў холе пачалі збірацца дзеці. Там іх сустракалі мімы, клоўны, двухмятровыя хадулісты, вялізныя лялькі.
Усе госці свята атрымалі амаль сапраўдныя камандзіровачныя грошы — вясёлікі. Перад пачаткам мерапрыемства за вясёлікі можна было самастойна выбраць і набыць сувенір на памяць аб урачыстым святкаванні.
Святочная праграма пачалася ўступным словам галоўнага рэдактара Уладзіміра Ліпскага. Пасля чаго ён прымаў самыя ветлівыя і шчырая віншаванні. Першы Намеснік Кіраўніка Адміністрацыі Прэзідэнта Рэспублікі Беларусь Аляксандр Радзькоў прывез часопісу віншавальнае слова ад самаго Прэзідэнта – Аляксандра Рыгоравіча.
Павіншаваў “Вясёлку” і міністр інфармацыі  нашай краіны – Алег Праляскоўскі. Ен падкрэсліў, што шмат гадоў назад таксамы выпісваў гэты цудоўны часопіс.
Пасля віншаванняў на сцэне з’явіліся знакамітыя акцеры, спевакі, зоркі беларускай эстрады.
Самыя цеплыя словы і сваю песню падараваў гледачам і чытачам часопіса спявак Герман.
Зачараваў не толькі дзяцей, але і дарослых уладар мыльных бурбалак Пеця Федарцоў.
І кульмінацыяй свята стала ўручэнне і ўзнагарода залатым медалём імя Васіля Віткі, заснавальніка часопіса “Вясёлка”, слынных пісьменнікаў, даўнішніх аўтараў выдання – Раісу Баравікову і Расціслава Бензярука. Персанальную прэмію галоўнага рэдактара Уладзіміра Ліпскага атрымала вучаніца, аўтарка часопіса вучні Наташа Сакалянская.
Неспадзяванкаю дзеля ўсіх і менавіта дзеля Уладзіміра Ліпскага стала тое, што яму ўручылі медаль «Выдатніка адукацыі».
Мерапрыемства скончылася своасаблівым гімнам часопіса “Вяселка”  — песняй “Весяліначкі-сяброўкі”.
Гучныя апладысменты гасцей, шчырыя ўсмешкі і цеплыя словы сапраўды сталі добрым падарункам часопісу.