Агагельды АЛАНАЗАРАЎ. Нябесны пастух
Среда, 14.06.2023 10:10. Рубрика: Літаратура
Нуры, які сачыў за Сонцам, пераканаўся, што яно — пастух. Сонца нагадала яму размову пра пастуха, які згубіў свой статак. Можа быць, Сонца і ёсць той пастух. А ноч — яго статак. Сонца коціцца, уважліва паглядяае на Зямлю. Значыць, шукае, ідзе па следзе.
Нуры звярнуўся да Сонца:
— Сонца, я ведаю, каго ты шукаеш.
— Скажы каго.
— Свой статак — ноч.
— Праўду кажаш, хлопчык.
— Ён начаваў у нас у сяле. А з самай раніцы сышоў.
— У які стэп?
— У бок Чорных Гор.
— Дзякуй, сынок. За гарамі я даганю статак.
Пасля гэтай размовы Сонца пайшло даганяць свой статак. Вельмі спяшалася, таму адразу пасвятлеў яго твар. І заўтра яно ізноў прыйдзе са сваёю чарадою чорных аблачынак, гонячы іх перад сабою на пашу.
Пераклад з туркменскай Алеся КАРЛЮКЕВІЧА