Калыханка для сына
Среда, 22.02.2017 06:19. Рубрика: БУСЯ
Добрых сноў перад вясной!
Спі, мой сынок,
Прэч сыдзе змрок,
Месяц узышоў над зямлёй.
У шчодры вячор,
У добры вячор
Зоры падораць спакой.
Спі, любы мой,
Ціхай зімой
Я залюляю цябе.
З марай у руцэ,
У зорнай рацэ
Месяц, бы човен, плыве.
Як на Раство
У зорную ноч
У небе лятае анёл.
Ён пакрысе
Сон прынясе,
Снегам засыпле дол.
Дзеткам усім
Добрыя сны
У люлькі анёл пакладзе,
Казак вянок, песняў клубок,
Сонечных дзён і надзей…
Кацярына ВАДАНОСАВА