Зіма

Пушысты сыплецца сняжок,
Накрыўся коўдраю лужок,
А рэчку скоўвае лядок –
Цудоўны будзе там каток!

Дзіма ШЧУРЭВІЧ,
г. Лагойск, СШ № 1.

На горцы

Мне купілі санкі,
Санкі-самакаты.
І пабеглі шпарка
Мы на горку з братам.
Снежныя падушкі…
Мы ляцім далёка!
Як у небе зоркі,
Мы ляцім высока!

Аляксандр ІСАЕНКА,
г. Лагойск, СШ № 1.

Зімовы верш

Зноў прыйшла да нас зіма,
Гурбы снегу намяла!
Дзед Мароз заняў свой пост,
Лёг праз рэчку з лёду мост.
Елкі, сосны ў кажухах,
Шаты снежныя ў лясах.
І рыхтуе зноў зіма
Шмат забаў і гульняў нам:
Вакол ёлкі карагоды,
Танцы, весялосць, прыгоды!

Ксенія МАКАРАВА,
Полацкі раён,
Зялёнкаўская дзіцячы сад-сярэдняя школа.