Ці ж Вы не знаёмы з Кракадзілам Генай і яго таварышам Чабурашкай, не пілі гарбаты з катом Матроскіным і не паўтаралі сотню разоў «Хто там?» разам с Паштальёнам Печкіным? Так, гэта ўсе знаёмыя нам персанажы з дзіцячых казак Успенскага.

А любімая дзецьмі перадача «Спакойнай ночы, малышы»? Так, так. Яе стваральнік Эдуард Успенскі! А яшчэ яго рук справа такія дзіцячыя перадачы, як «АБВГДейка»,  «Радионяня»…

Першая кніга Эдуарда Успенскага пра Дзядзю Фёдара «Дзядзя Фёдар, пес і кот» выйшла ў 1974 годзе. Як усім нам добра знаёма, галоўным яе героем з’яўляецца шасцігадовы хлопчык, якога называлі Дзядзя Федар за тое, што ен быў вельмі самастойным. Нават з дому пайшоў і жыў з Матроскіным і Шарыкам у вёсцы Прастаквашына.

Пасля гэтай кнігі выйшаў працяг: «Цёця Дзядзі Федара, ці Пабег з Прастаквашына», «Дзядзя Федар ідзе ў школу, ці Нэнсі з Інтэрнэту ў Прастаквашына», «Зіма ў Прастаквашына», «Любімая дзяўчына Дзядзі Федара», «Новы парадак у вёсцы Прастаквашына», «Святы ў вёсцы Прастаквашына», «Здань з Прастаквашына», «Непрыемнасці ў Прастаквашына», «Клад ў вёскі Прастаквашына», «Канікулы ў Прастаквашына», «Новае жыцце ў Прастаквашына», «Вясна ў Прастаквашына»…

Усяго знакаміты дзіцячы пісьменнік напісаў каля пяцідзесяці дзіцячых апавяданняў, на аснове якіх знята два мастацкіх фільма: «Там, на неведомых дорожках», «Год хорошего ребенка», — і больш шасцідзесяці мультфільмаў.