Навум ГАЛЬПЯРОВІЧ

Усяслаў Чарадзей

Мне тата кніжку прачытаў

Пра князя з імем Усяслаў.

Зямлю ён полацкую славіў,

Сабор у горадзе паставіў

І з Кіева за ноч ваўком

Прымчаўся ў Полацк – родны дом.

Таму здабыў сярод людзей

Назоў вось гэты – Чарадзей.

Еўфрасіння Полацкая

Храм стаіць пад небам сінім,

Званы ў гонар Еўфрасінні.

Тая цэркаўка, бы свечка,

Свеціцца і ўдзень, і ўвечар.

І над рэчкай Палатой

Ззяе памяць аб святой.

І шануе кожны год

Еўфрасінні дзень народ.

Навум Гальпяровіч (нар. 14.01.1948) – беларускі паэт. На вершы Навума Якаўлевіча створана вялікая колькасць песен. Творы перакладаліся на рускую, польскую, румынскую, балгарскую мовы.